Moral Educations

1. एउटा भ्यागुता

एउटा भ्यागुता थियो, तनमनले भगवानको भक्ति गथ्र्यो । भगवान प्रसंन्न थिए, सोधे : हे भक्त , तिमी बरदान माग । भ्यागुता : हे भगवान, हजुरको महिमाले सबै ठीक छ । तर, ध्यान गर्ने बेला मुसोले असाध्यै दुःख दिन्छ । भगवान: ल, तिमीलाई विरालो बनाई दिन्छु,त्यसपछि मज्जाले ध्यान गर्नु। केहीदिन आरामले पुजापाठ र ध्यान गरेपछि कुकुरले सताउन थालेछ । एक दिन फेरी भगवान प्रकट भए, विरालो बनेको भ्यागुताले आफ्नो समस्या राख्यो,. भगवानले उसलाई विरालोबाट कुकुर बनाई दियो ।यसप्रकार उसलाई कुकुरबाट चितुवा, चितुवाबाट बाघ बनाइयो । अब उसलाई सिकारीको डरले सताउन थाल्यो ।भ्यागुता पटक–पटकको परिवर्तनबाट निक्कै दुःखी हुन पुगेछ । उसले सोच्यो : अर्कोको सहारामा कहिले सम्म बाँच्ने ? आफ्नै पुरुषार्थमाथि विश्वास गर्नुपर्छ । त्यसपछि भगवानसंग प्रार्थना गरेर भ्यागुता फेरी आफ्नै पुरानै रुप धारण गर्यो । 

2.दुईटा बाघ

दुईटा बाघबीच घनिष्ट मित्रता थियो,

झिना मसिना कुरामा लफडा भयो,
त्यसपछि एकअर्काका कट्टर शत्रु बन्यो,
वर्षौसम्म बोलचाल पनि बन्द रहयो, 
एक पटक, 
पहिलो बाघ र उसको श्रीमति–बालबच्चालाई
कुकुरहरुको एउटा झुण्डले चिथोर्दै घाइते बनाउन थाल्यो,
त्यही बेला,
दोस्रो बाघ आउछ,
ती कुकुरहरुलाई आक्रमण गरि धपाउछ,
र,फेरी टाढा गएर बस्छ ।
पहिलो बाघको एउटा बच्चाले बुबालाई सोध्छ:-
बुबा ! त्यो बाघले त तपाईसंग कुरासम्म गर्दैन,
फेरी,हामीलाई किन बचाएको होला ?
पहिलो बाघ जबाफ फर्काउछ:-
छोरा ! रिस,राग र बोलचाल बन्द हुनसक्छ,
तर मित्रता यति कमजोर पनि हुनुहुदैन कि
कुकुरहरुले फाइदा उठाओस् ।

3.एक पटक संख्या ९ ले ८ लाई बेजोड झापड हानेछ 

एक पटक संख्या ९ ले ८ लाई बेजोड झापड हानेछ 

८ रुन थाल्यो, सोध्यो :-मलाई झापड किन...?
९ ले भन्यो:-म ठूलो हूँ, त्यसैले हान्या हूँ !!
यो सुन्नेबित्तिकै ८ ले ७ लाई झापड बजाई हाल्यो,
र ९ ले भनेजस्तै जबाफ फर्कायो:- म ठूलो हूँ, त्यसैले हान्या हूँ....
त्यसपछि त झापड हानाहानको एउटा शृंखलानै शुरु भएछ–
७ ले ६ लाई....
६ ले ५ लाई....
५ ले ४ लाई....
४ ले ३ लाई....
३ ले २ लाई....
२ ले १ लाई....
अब पालो १ को आयो, १ भन्दा तल ० थियो‼
१ ले एकैछिन सोच्यो, त्यसपछि प्रेमपूर्वक ० लाई उठायो
र आफ्नै छेउमा बसायो ।
बसाउने बित्तिकै उसको शक्ति १० पुगेछ....
त्यसपछि ९ को हालत खराब भएछ.....