मैथिली कविता
- दिनेश यादव
पुलही लोटा नई सहीँ, मिनेरल बोटल मेँ पानि भइरते छैथ,
खेतक आईर काँत, गालपर हात राखि केँ लोग बैसबे करैत छैथ,
मिथिला केँ ई त पुराने रित छैक ।
पछुवा रोटी खेनिहार सभ आगा कहियो नै बढैत छैक,
मोटका रोटी खेनिहार सभ हर बहै छैथ,
छत्ता तर बैस मालिक,हाथ पर आंगुरक घुँस्सा दइते छैथ
मिथिला केँ ई त पुराने रित छैक ।
तेलमालिस करै बलासभ गुलाम त होबे करैत छैथ,
भूँइया मेँ बइठईबाला सभ जी–हजूर,मालिक करिते छैथ,
ननकिरहबा विमार छई, तईयो दरबाजा पर हाजिर छैथ,
मिथिला केँ ई त पुराने रित छैक ।
रोटीपर नूनबुकनी,प्याजक चटनी खेनिहार सभ जनबनिहार होइते छैक,
दुई/चारि शेर बनि भेटल, साँउझका जोगाड भइये जाय छैक,
एकचुल्हिया पचरल, मरमसला केँ जोगाड में फाँड मेँ धान लँके दोकान दौडय छैथ,
मिथिला कें ई त पुराने रित छैक ।
माथ पर ठोप आ त्रिपाइत डाइढ तानैवला सभ ब्रह्मनालक अवतार मानबे करैत छैथ,
प्रणामपाति करि, आर्शिवाद त भेटबे करत छैक,
दान, दक्षिणा लेबे करत, नय त मनमनिया श्राप सुनय पडैत छैक
मिथिला केँ ई त पुराने रित छैक ।
रौद मे पगडी आ युद्धभूमि मेँ मुरेठा केँ प्रचलन मिथिला मेँ लोकप्रिय छैक,
यज्ञोपवितोउपरान्त लगबैय बला पागक भारी जबरजस्ती आब माथ पर अछि
बुद्ध केँ बहिष्कार कएनिहार सभ पेरबा आ छागड के हलाली कइरते अछि
मिथिला केँ ई त पुराने रित छैक ।
सोलह श्राद्ध पर गोदान करबा केँ मृत्तआत्मा सभ स्वर्ग मेँ दूध पिविते छैथ,
डर ,त्रास आ धार्मिक आडम्बरी के अस्त्र बना,
सभा नय सही गाम मेँ भोज बलजोरी करबैते छैथ,
मिथिला केँ ई त पुराने रित छैक ।
दिनांक :२०७४ पुस ३० रविबार
No comments:
Post a Comment