मधेशनामा (MADHESHNAMA): ‘सोलकन’ शब्दकें अर्थ

Saturday, 12 January 2019

‘सोलकन’ शब्दकें अर्थ

मैथिली भाषा

दिनेश यादव
उच्च जातिबाहेक कें लोग सब के ‘सोलकन’ कहल जाइत छहि । अई मे वैश्य आ शूद्र सेहो पडैत छैक । भारतीय कथाकार रामधारी सिंह दिवकर के ‘वर्णाश्रम’ पुस्तक मे बिलट महतो के ‘शूद्र’ आ ‘सोलकन ’ के रुप मे उल्लेख कयल गेल अछि ।

जनकपुरमे ‘मधेस सोलकन समाज’ के अध्यक्ष बलदेव साह(वैश्य) छथि, अहि स इ पुष्टि होयत अछि जे वैश्य समुदाय सेहो ‘सोलकन’ मे पडैत छहि ।

‘सवर्ण’ बाहेक के लोग के ‘सोलकन’ कहै बला बात चन्द्रकिशोर झा जी सेहो अपना एकटा लेख में उल्लेख केने छथि ।(कान्तिपुर, २० कार्तिक २०७१)

प्रा.परमेश्वर कापडि ‘सोलकन’ के ‘छोटवर्णा’ जाति सं उपर मानैत छहि (विदेह, २०१२) । कापडि के बात मानल जाए त पानी चलैबला जाति सब ‘सोलकन’ भेल . विदेह ९४ म अंक १५ नोभेम्बर २०११ मे ‘मानकताका बात विषपाद अछि’ शीर्षक सामग्रीमे परमेश्वर कापडि लिखने छथि, ‘हमरा जनिते एकहि गाम समाजमे रहियोक’ तथाकथित सोलकन आ छोटवर्णा ‘अछि, छथि, छथिन’ नै बजलखिन्ह आ जत’ कतौ बजलो होतै त’ सेबहिया खबास, नोकरनी बहिकिरनी सब ...।’ अहि कथन स पुष्टि होइत अछि जे ब्राह्मणेत्तर सब ‘सोलकन’ भेल ।

धानुक समुदाय के सेहो ‘सोलकन’ मानल जाइत छहि । मधुबनी के तमुरिया नजिक बेरमामे ब्राह्मण सभ शंभू मण्डलके साथ ‘सोलकन’ कही अपहेलित कएल गेल बात कपलेश्वर राउत अपन रचना ‘छुआछुत’ मे लिखने छथि । ओ लिखति छथि , ‘तु सोलकन सभ भगवतीकें अपने हाथे ने लड्डू चढा सकै छै, ने प्रणाम क सकै छै....।’ अहि मे ‘सोलकन’ के अछूत होमाक बात बुझमा मे अबैत अछि ।

किछु लेखक सब ‘सोलकन’ के अर्थ दलित आ ओबीसी जाति होमाक बात सेहो लिखने छहि । मिथिला मे ‘सोलकन’ निम्न कहै वला जाति के जातिसूचक शब्द थिक, जकर मिथिलांचल मे धडल्ले सं प्रयोग होइत अछि । अन्य शब्द जका इहो दोसर के अपमान, वेदना आ हिनताबोध से ग्रस्त करबारक एकटा कारगर शब्द थिक (जनसत्ता, ३१ अगस्ट २०१२, देव कुमार) ।
भारतके विद्या म्युजिक एकटा भिडियो निकाल्ने छहि, तक्कर शीर्षकमे ‘चंठ ब्राह्मण, लठ्ठ सोलकन’ लिखल अछि । गीतमे गायक हरिजन उल्लेख कए रहल छथि । पुरा एलबम सुनलाक बाद हरिजन सेहो सोलकन होमाक पुष्टि होइत छयैक । (विद्या म्युजिक प्रालि, मैथिली गीत–२०१९)