- दिनेश यादव(DINESH YADAV) __________________
विस्तारै यान्त्रिक जीवन शैलीमा प्रवेश गरिरहेको विश्व समुदायका लागि अचेल ‘टाइम म्यानेजमेन्ट’ ठूलो चुनौतीको विषय बन्दै गएको छ । समयको राम्रो व्यवस्थापन गर्न नसक्नेको अब भविष्य छैन । यही चुरो विषयलाई ‘क्यास’ गर्दै विश्वका ठूल्ठूला मोटर निर्माता कम्पनीहरू आआफ्ना उत्पादनमा आधुनिक प्रविधि भिœयाउ“दै छन् । उपभोक्ताहरूको परिवर्तित मागलाई सम्बोधन गर्न ती कम्पनीहरू अहोरात्र कडा परिश्रम गर्दै नया“–नया“ फंक्सन सहितका लोभलाग्दा डिजाइनमा आफ्ना उत्पादनहरू बजारमा ल्याउन कस्सिएका छन् । तीमध्ये सार्वाधिक चर्चामा रहेका उत्पादनहरूमा चालकरहित सवारी साधन पनि एक हो । धेरै मानिस आफ्ना अधिकांश समय कार चलाउन र त्यसका लागि पार्किङ गर्ने स्थानको खोजीमा बिताउने गरेकाले त्यसको विकल्पमा ‘ड्राइभरलेस’ कारको विकासमा ठूला कम्पनीहरू जोडतोडका साथ लागेका हुन् । उता निर्माता कम्पनीहरूबीच सुविधा सम्पन्न, मह“गा र तीव्र गतिका कारहरूको उत्पादनमा पनि त“छाडमछाड बढेको छ । फोर्ड मोटरको ड्राइभरलेस कार
फोर्ड मोटर कम्पनीले अगामी पा“च वर्षभित्र पूर्ण अटोमेटिक अर्थात चालकविहीन कार बजारमा ल्याउने योजना सार्वजनिक गरेको छ । सुरुमा यसलाई व्यापारिकभन्दा पनि सार्वजनिक भाडाका साधनमा मात्र प्रयोग गरिने उसको भनाइ छ । पछि मात्रै व्यक्तिका लागि यसको बिक्री वितरण गरिने छ । सन् २०२१ सम्ममा फोर्डले चालकविहीन कारहरू बजारमा ल्याइसक्ने जनाएको छ । गुगलले सबैभन्दा पहिले आफैं चल्ने कारहरू बनाउन थालेको हो । अब टेस्ला मोटर्स, जीएम र फोर्डले पनि यस्तै कार निर्माणमा जुटिसकेका छन् । हालै अन डिमान्ड कार सेवा उपलब्ध गराउने कम्पनीहरू यसमा लागेका छन् । तीमध्ये अमेरिकी उबर कम्पनी अग्रपंक्तिमा छ । उसले १८ अगस्तमा स्विडेनको कार निर्माता कम्पनी भोल्भोस“ग ३० करोड अमेरिकी डलरको सम्झौता पनि गरेको छ । उक्त सम्झौतामा सन् २०२१ सम्म पूर्ण चालकरहित कार निर्माण गरिसक्ने उल्लेख छ । उबरले सन फ्रान्सिस्कोको स्टार्टअप ओट्टोलाई आफ्नो योजनालाई सफल तुल्याउन अधिग्रहण गरिसकेको छ । यो कम्पनीले चालकरहित ट्रक विकसित गर्न जुटिसकेको छ । उबरले आफ्नो योजनाअनुसार पिटर्सबर्ग र पेन्सलभानियाका मानिसलाई भाल्भोको मोडिफाइड स्पोर्टस युटिलिटी भेहिकल (एसयूभी) मा यात्रा गर्ने मौका दिने छ, जुन बिनाचालक आफैं सडकमा दौडिने छन् । सम्भवतः यसै वर्षदेखि यसको परीक्षण गर्ने योजनामा कम्पनी रहेको ब्लुमबर्गले जनाएको छ । हुन्डाई सेल्फ ड्राइभिङकै पक्षमा
दक्षिण कोरियाली प्रमुख कार निर्माता कम्पनी हुन्डाईले हालै नया“ एलान्ट्रा सेडान बजारमा ल्याएस“गै स्वचालिक कारसमेत बजारमा ल्याउने जनाएको छ । सन् २०२० बाट आफ्नो अन्य बाहनहरूलाई सेल्फ ड्राइभिङ फंक्सनका साथ सडकमा उतार्ने योजना पनि कम्पनीको छ । पछिल्लो हुन्डाई गाडीमा ठूलो सिग्नेचर ग्रिल, सार्प हेडलाइट, साइमा १८ इन्चको अलोय चक्का, डे–टाइम रनिङ लाइट र पछाडि एलईडी टेललाइट रुफलाइनमा जडान गरिएको छ । यसको केबिनमा पहिले झैं अल ब्ल्याक कलर दिइए पनि सिल्भर र क्रोम फिनिसिङसमेत छ । ८ इन्चको टचस्क्रिन इन्फोटेन्मेन्ट प्रणाली, एपल कारप्ले र एन्ड्रयोड अटोस“गै ड्युएल–जोन क्लाइमेट कन्ट्रोल, लेदर अपहोल्स्ट्री र इलेक्ट्रिक सिटहरू यसका अन्य विशेषहरू हुन् । चाबीहीन प्रणाली जडान गरिएकाले यसको डिक्की खोल्न सा“चो आवश्यक पर्दैन । सन् २०१३ मा म्यासाच्युसेट्स इन्स्टिच्युटका केही अनुसान्धानकर्ताले सर्वप्रथम रोबोटिक्स र चालकरहित प्रविधिमा काम थालेका थिए । तिनीहरूले विकसित गरेको अमेरिकी सेल्फ स्टार्टअपको नाम नुटोनोमी हो, जसको कार्यालय अमेरिका र सिंगापुरमा छ । बीबीसीका अनुसार नुटोनोमी सिंगापुर सरकारबाट सेल्फ ड्राइभिङ कारको परीक्षणका लागि अनुमति लिने पहिलो कम्पनी हो । हुन त यसलाई केही निश्चित क्षेत्रमा ट्रायलका लागि मात्र उतारियो । सबैभन्दा पहिले यो कम्पनीले २०१४ मा चालकरहित टयाक्सी ट्रायल गरेको थियो । हालै ट्रायलमा ल्याइएका ६ कारले क्यामेरा र सफ्टवेयरलगायत इलेक्ट्रोनिक उपकरणहरूमार्फत काम गर्छन् ।
तीव्र गीतमा दौड्ने इ कार
अमेरिकी विद्युतीय कार उत्पादक टेस्लाले विश्वकै सबैभन्दा तीव्र गतिमा चल्ने कार बजारमा ल्याएको छ । ल्युडिक्रोअस मोडका साथ ल्याएको यो कारको नाम ‘टेस्ला मोडेल एसपी १०० डी’ दिइएको छ । ब्याट्रीबाट चल्ने यो कारले २ दशमलव ५ सेकेन्डमै शून्यदेखि सय किमिको गतिमा पुग्न सक्ने दाबी टेस्लाको छ । एक पटक चार्ज गरेपछि यसले ५ सय किमिभन्दा बढी दूरी पार गर्न सक्छ । कम्पनीले सय किलोवाटको एउटा नया“ ‘ब्याट्री प्याक’ को समेत विकास गरेको छ । कारमा यो जडान गरे लगत्तै गति बढ्नुका साथै रेन्जमा पनि वृद्धि हुने दाबी पनि कम्पनीको छ । कम्पनीले ‘ब्याट्री प्याक’ आफ्नो ‘सेडान कार एसपी १०० डी’ र ‘एसयूभी एक्स’ मोडेलमा पनि प्रयोग गर्ने जनाएको छ । ‘ब्याट्री प्याक’ जडान गरेपछि गतिको मामिलामा यसले स्पोर्ट्स कारलाई निकै पछाडि छोड्ने दाबी उसको छ । मोडेल ‘एस पी १०० डी’ को मूल्य हाल तोकिएको छैन ।
No comments:
Post a Comment