तमलोपा अधिवेशनमा नबोलाएको एमालेको चियापानमा ठाकुर

नेकपा(एमाले) ले दशै,तिहार,छठ लगायतका नेपाली चाड–पर्वहरूको उपलक्ष्यमा असोज २९ गते राजधानीको धुम्बाराहीमा शनिबार आयोजना गरेको चियापान तथा शुभकामना आदानप्रदान कार्यक्रममा तराई–मधेस लोकतान्त्रिक पार्टी(तमलोपा)का अध्यक्ष महन्थ ठाकुर र उपाध्यक्ष वृशेषचन्द्र लाललगायतको समेत उपस्थिति रहयो । तमलोपाले पा“च महिनाअघि पार्टीको नवलपरासी अधिवेशनमा एमाले अध्यक्ष तथा तत्कालिन प्रधानमन्त्री केपी शर्मा ओलीलाई निम्तोसम्म गरेको थिएन । संविधान संशोधन औचित्य र आवश्यकताका आधारमा गर्न सकिने भनाई एमालेबाट आइरहेको बेला तमलोपालगायतका मधेस केन्द्रित दलका नेताहरुको चियापानमा भएको यो उपस्थितिलाई अर्थपूर्ण रुपमा हेरिएको छ । चियापानमा संघिय समाजवादी पार्टीका अध्यक्ष उपेन्द्र यादव, लोकतान्त्रिक फोरमका अध्यक्ष विजय गच्छदारको समेत उपस्थिति थियो ।