पूर्व वामपन्थीका मधेसी नेतृत्वबारे एक स्तम्भकारको अभिव्यक्ति

Kantipur ma 16 Baishakh 2073 ma prakashit ChandraKishor Jha ko Article ko Ansh

चन्द्रकिशोर झाले ‘डेटलाइन तराई’ स्तम्भ अन्तर्गत ‘संविधान रचनाकारहरुको जिम्मेवारी’ शिर्षकमा कान्तिपुरको पृष्ठ ६ मा मिति २०७३ वैशाख १६ गते प्रकाशित लेखको पुच्छरमा डरलाग्दो शैलीमा आफ्नो अभिव्यक्ति संचार गरेका रहेछन् । यो उनको व्यक्तिगत विचार हुनसक्छ । तर झाजीले लेखेको यी वाक्य ‘भीरमा लागेको लेउलाई हरियो घाँघ भन्ठानेर हामफाल्न तम्त्यारपूर्व वामपन्थी मधेसी नेतृत्वहरुलाई मधेसवादी कित्तामा रोकिराख्न कम्ती गार्‍हो थिएन । तर त्यसो गर्नु बाहेक संयुक्त लोकतान्त्रिक मधेसी मोर्चा जोगाउने अरु उपाय पनि छैन, यतिखेर.....’ जुन तरिकामा आएको छ, त्यो आम मधेसीलाई सोच्न बाध्य पार्ने खालका छन् । मधेसीकै नाममा कलम चलाउने तर आफूले सुझाएको या सल्लाहमा काम नभएपछि अभिव्यक्त भएको भावना/विचारले ठूलै प्रश्न उब्जाएको छ, मधेसी बृतमा । लेखमा जे सुकै लेखिएपनि संयुक्त लोकतान्त्रिक मधेसी मोर्चालाई जोगाउनकै लागि पूर्व वामपन्थीको कुरो मोर्चा नेतृत्वले मान्न तयार भएको भन्ने आशय यसमा स्पष्ट छ । लेखकको यो आशय किन र कसरी आयो ? यहाँ उल्लेख गर्न आवश्यक छैन । समयले त्यसलाई स्पष्ट पार्दै जानेछ । उनले संकेत गर्न खोजेको पूर्व वामपन्थी नेतृत्वलाई शक्तिका रुपमा झाले स्वीकारेका छन् । त्यसैले त मधेसी मोर्चाको वाध्यता उनले आफ्नो लेखमा प्रस्टैसंग लेखेका छन् । यस्तो वाध्यता किन आई पर्‍यो त्यो पनि उल्लेख गर्दा राम्रो हुनेथ्यो । बाँकी विश्लेषणको जिम्मा यहाहरुमाथि छाड्न चाहन्छु ।