हँसबाक बहाना खोजी (HANSBAAK BAHANA KHOJI)

मैथिली गीत

■दिनेश यादव

चलू हँसबाक कोनो,

आब बहाना खोजी,

कतहु दुःख नहि होए,

से ठिकाना खोजी ।

बहुत उड़लौंह अकास में,

पंख पसारि कए,

आब माटि कए चूमी,

मन कए संवारि कए ।

अपन धरती सँ जुड़ल,

कोनो जमाना खोजी,

कतहु दुःख नहि होए,

से ठिकाना खोजी ।

चलू हँसबाक कोनो,

आब बहाना खोजी,

चलू हँसबाक कोनो,

आब बहाना खोजी ।

कतहु दुःख नहि होए,

से ठिकाना खोजी,

कतहु दुःख नहि होए,

से ठिकाना खोजी ।

जिंदगीक अहि रण में,

कतेको संग छुटल,

कतेको हँसैत चेहरा,

अपनहि सँ रुठल ।

कतेको के टुटल मोन,

जोड़बाक बहाना खोजी,

कतहु दुःख नहि होए,

से ठिकाना खोजी ।

बीत गेल कते राति,

अनहारक साया में,

भटकैत रहलौंह मुदा,

मायाक काया में ।

आब अन्हरिया रातिक,

नव बिहान खोजी,

कतहु दुःख नहि होए,

से ठिकाना खोजी ।

चलू हँसबाक कोनो,

आब बहाना खोजी,

चलू हँसबाक कोनो,

आब बहाना खोजी ।

कतहु दुःख नहि होए,

से ठिकाना खोजी,

कतहु दुःख नहि होए,

से ठिकाना खोजी ।