नेताका भाषण मात्र होइन, जनसरोकारको विषय पनि समाचार बनोस्

सर्वाधिक जनचासो र सेवाग्राही भएको जिल्ला मालपोत कार्यालय सप्तरी अनिश्चितकालका लागि बन्द गरिएको छ । यो समाचार पत्रिकाहरुको राष्ट्रिय संस्करमा छापिने कुरै भएन, सम्बन्धित प्रदेश २ का लागि छुट्टाईएको गोरखापत्रको पृष्ठबाहेक अन्य अखबारहरुको आजको अनलाईन संस्करणमा समेत भेटिएन । के स्थानीय पत्रकार र जिल्ला सम्वाददाताहरुका लागि अब जनचासोसंग सम्बन्धित विषय सरोकारको विषयवस्तु रहेन ? आज सोनम लोसारको विदा र भोली शनिबार परेकाले सेवाग्राहीलाई त्यति समस्या भएन । तर,आईतबारदेखि पनि मालपोत बन्द रहे धेरै सेवाग्राहीले दुःख पाउने निश्चित छ । कर्मचारी आभावमा कार्यालयले थप्प हुने अवस्था आउनु दुखद छ । सम्बन्धित निकायको समयमै ध्यान पुगोस् । स्थानीय एफएम र अनलाईन पत्रिकाहरुलाई आग्रह– सर्वसाधारणका लागि कम्तीमा यो सूचना त्यहाँ सम्प्रेषण गरिदिनु होला । (नेताका भाषण मात्र होइन, जनसरोकारको विषय पनि समाचार बनोस्