भारत भ्रमणका क्रममा के–के भने प्रचण्डले ?

एमाओवादी अध्यक्ष पुष्पकमल दाहाल ‘प्रचण्ड’ ले भारत भ्रमणका क्रममा भारतीय माओवादीलाई ‘कठमुल्लेको सिकार भएको’ आरोप समाचार अमर उजालाको अनलाइन संस्करणमा छ । त्यस्तै आउटलुककी व्युरो प्रमुख भाषा सिंहसंगको अन्तर्वातामा उनले भनेका छन्, ‘ नेपालमा बुर्जुआ लोकतान्त्रिक क्रान्तिको चरण समाप्त भइसकेको छ र अब समाजवादी क्रान्तिको तयारीमा हामी जुटेका छौ । ’ उनको यो अभिव्यक्ति कुनैपनि दृष्टिकोणले नेपालको सन्दर्भमा मेल खाँदैन । समाजवादी क्रान्तिको कुरा गने प्रचण्डले १६ बूंदे सम्झौतापछि आफूलाई पद र कुर्सीका लागि आत्मसमर्पण गरेका प्रशस्तै उदाहरणहरु छन् । त्यसैले उनीबाट नेपालमा समाजबादी आन्दोलन असम्भव छ । उनको नेतृत्वमा नेपालमा भएको १० वर्षे जनयुद्ध राजसत्ताका लागि मात्रै भएको पुष्टि गर्न अब पनि उदाहरणहरु दिनुपर्छ जस्तो लाग्दैन ।

 अझ कम्युनिष्ट पार्टीका एक नेता आज सामंतबादको घोर पक्षधर बनेको अवस्था छ । उनको परिवर्तित बडी ‘लङ्गवेज’ ले उनी पुंजीवादी र भौतिकबादी संगै विर्सजनवादी तर्फ उन्मुख भएको प्रष्टै भइसक्यो । राष्ट्रपति, उपराष्ट्रपति, प्रधानमन्त्री , उपप्रधानमन्त्री लगायतका पदको भागबण्डा गर्नेहरुबाट अब कुनै पनि आन्दोलन असम्भव छ । त्यसैले उनले भन्ने गरेको समाजवादी क्रान्ति उनको भाषण मात्रै हो । अझ उनले उक्त अन्तर्वार्तामा भनेका छन्, ‘ नेपालको पहाडी क्षेत्रमा ३–४ हेक्टर र तराई–मधेसमा १० विघा भन्दा बढी जग्गा कसैले राख्न पाउँदैनन, हामीले यसलाई संविधानमै राख्न गइरहेका छौ । ’ 

आफूसंग र आफ्ना नातागोतासंग राजधानी काठमाडौंमा रहेको करोडौंको सम्पतिको सीमा निर्धारण चाहाँ उनले गर्न नसक्नु तर गरिब किसानहरुका लागि भने जमिनको हदबन्दी लगाउने उनको यो भनाईले नेपालमा समाजवाद आउन सक्तैन । आउटलुटकै अन्तर्वार्तामा प्रचण्डले धर्मका बारेमा राखेको अस्पष्ट अभिव्यक्तिले उनको धुलमुले मानसिकता र चरित्रलाई उदांगो पारेको छ । उनले यसो भनेका छन, ‘नेपालमा हिन्दूको आवादी धेरै छ, तर नेपाल हिन्दू राज्य बन्न सक्तैन । नेपालमा इसाइयत बढ्नु हाम्रोलाई मात्रै होइन भारत र चीन दुबैका लागि खतरा छ । त्यसैले हामी धर्मनिरपेक्ष देश बनाइरहेका छौ, नेपाललाई । ’ प्रचण्डको यो भनाईमा पश्चिमा मुलुकको दबाब प्रष्टै झल्किन्छ । किनभने नेपाल त पहिले पनि हिन्दू राष्ट्र थियो नै, त्यो राख्न उनलाई कसले रोकि राखेको छ, कुन फोर्स त्यस्तो छ, जसले हिन्दू राज्य बन्न नेपाललाई रोकिराखेको छ, त्यो क्लियर छ । चीनलाई पश्चिमा मुलुकको डर रहेको भनेर उनी अन्तर्वार्तामा पन्छिन खोजेका छन् ।