डर

(मैथिली लघुकथा)

✍ दिनेश यादव

गामक बलभद्र एकटा सज्जन लोक छलाह । ओ छहटा वियाह कए चुकल छलाह । हरेक वियाहकेँ दोसरे दिन हुनकर कनियाँके निधन भए जाएत छल । जब ओ सतमा वियाह करबाक सोच बनौलाह, हुनका कनियाँ नहि भेट रहल छल । बलभद्रकेँ कियो आब अपन बेटी देबा लेल तयार नहि छल । ओ बहुत असमंजसमे पडि गेलाह ।

किछु सप्ताह बाद हुनकर वियाह नजिककेँ दोसर गामकेँ बुचकुन दाई सँ तय भेल, ओहो छटा वियाह कए चुकल छलीह । हरेक वियाहकेँ दोसरे दिन हुनकर पतिकेँ सेहो निधन भए जाएत छल । वियाहकेँ बिहानभने गउँवा सभ उत्सुकतापूर्वक बलभद्रकेँ घर पहुचल छल । सभ गोटा अत्यन्त उत्सुक छल –कि भेलैक ? घरक एकटा कोठलीकेँ गेट पर पहुँचकेँ भुटकुन गेटकेँ ढकढकौलक.....। गेट खुजल । भितर सँ आबाज आएल, ‘हमरा बचाऊँ, हमरा बचाऊँ ।’

भुटकुन संगैह किछु गउँवा सभ दौडैत, एकैह बेर कोठलीमे घुसि गेलाह । देखलाह– दुनू पराणी जिविते छलाह । मुदा ओ सभ एक–दोसर सँ डराएत रहैक । ई देख गउँवा सभ बजलाह, ‘अहि बेर ई दुनू गोट मृत्यु सँ नहि, डर आ भय सँ मरि रहल छैक ।’