एकजना सुफी फकीर जलालुदीन रुमीबारे धेरै पहिले कुनै एउटा पुस्तकमा पढेको थिएँ – जलालुदीन युवा छँदा उसले अल्लाह (ईश्वर/भगवान) संग प्रार्थना गर्दै बरदान मागे छन्, ‘हे अल्लाह! मलाई यति शक्ति देऊ कि म पुरै संसार बदल्न सकूँ ।’ अल्लाहले केही जबाफ दिएनन् । समय बित्दै गयो । रुमीले फेरी अल्लाहसंग अर्को बरदान मागे छन्, ‘ हे अल्लाह! मलाई यति शक्ति देऊ कि म आफ्नाहरुलाई बदल्न सकूँ ।’ यसमा पनि अल्लाहबाट कुनै जबाफ आएन । रुमी जब बुढा भए । अल्लाहसंग फेरी बरदान मागे छन्, ‘हे अल्लाह ! मलाई यति शक्ति देऊ कि म आफूलाई बदल्न सकूँ ।’ यसपटक चाहिं अल्लाहले मौनता तोडदै भन्यो, ‘रुमी ! तिमीले यही कुरो युवा अवस्थामा मागेको भए त्यति बेलै क्रान्ति भई सक्थ्यो ।’ हरेक मानिस अरुलाई बदल्ने ध्याउन्नमा त हुन्छन् तर समय छँदै आफूलाई बदल्ने चाहना राख्दैनन् ।
No comments:
Post a Comment