अमेरिकामा मधेसीहरूको संस्था #ANTA मा विवाद

निर्वाचित अध्यक्ष अपराजिता झाले संस्थामा एकल र मनोमानी शैलीमा गरेको निर्णयको बहुमत सदस्यहरूबाट बिरोध भएपछि राजिनामा दिएकी छन् । उनको राजिनामा पछि संस्थाको बिधान अनुसार आकस्मिक बैठकले ३एन्टाका वरिष्ठ उपाध्यक्ष डा.इन्द्रदेव साहुलाई अध्यक्षको जिम्मेवारी तोकेको छ ।

डा.साहु अध्यक्ष पद स्विकारी सकेपछि झाले आफ्नो राजिनामा फिर्ता लिएकी छन् । तर झाले राजिनामा फिर्ता लिएपनि विधान अनुसार उनी फेरी अध्यक्ष बन्ने हैसियत गुमाई सकेको एन्टाका एक सदस्यले बताएका छन् । केही वर्षअघि एन्टामा अन्य जातिरसमुदायको नेतृत्वलाई तत्कालिन अध्यक्षहरुले पटक–पटक अस्वीकार गरेपछि संस्थाको विभाजन भएको थियो । त्यही संस्थाबाट विभाजित भई ‘मधेसी एशोसिएसन इन अमेरिका #MAA अर्थात् ‘मा’० त्यहाँ सक्रिय छ ।

‘एन्टा’ र ‘मा’ को गतिबिधिलाई नेपालबाट संचार माध्यमहरुमा कभरेज गर्दै आएका एक पत्रकारका अनुसार एन्टा जातिय दल–दलमा फँसेको र दिनानूदिन संकुचित बन्दै गएको छ । अझ अपराजिता झाको नेतृत्वमा त एन्टा झनै ओरालो लागेको छ । पछिल्लो बिवाद तब शुरु भयो जब झाले संस्थाको विधान अनुसार मनोनित गरिनुपर्ने ५ सदस्यहरुमा मनोमानी ढंगले नियुक्ति गर्न थालिन । बिहार माइती भएकी झा विश्व बैंकमा कार्यरतसिरहा माडरका अरविन्द झाकी श्रीमति हुन ।

 यसअघि उनले एन्टामा गुड गभर्नेन्सको कुरा उठाउदा पनि बखेडा झिकेकी थिइन । संस्थाका बहुमत सदस्यले गुड गभर्नेन्सको विषय उठाउँदै ट्रस्टी वा बोर्ड अफ ट्रस्टी बनाई एन्टालाई बोर्ड अफ डाइरेक्टरको मातहतमा लगि अघि बढ्नु पर्ने सुझाब दिएका थिए । यस्तो मत राख्नेहरुको बिचारमा संस्थाका अध्यक्षद्वारा पटक–पटक हुने गरेको मोनोपली निर्णय र हैकमबादको अन्त्य हुने र एन्टाको अस्तित्व दीर्घकालिन समयसम्म कायम रहने तर्क थियो । पछिल्लो घटनाक्रममा झाले राजिनामा दिएपछि पुन पद बहाल हुन खोजेपछि एन्टाको विवाद एक पटक फेरी सतहमा आएका हो ।

‘ओन्स यु गोन, नेभर रिर्टन योर पोजिसन (एक पटक राजिनामा दिई सकेपछि पुन पदमा फर्किन सकिन्न)’ एक सदस्यले भने, ‘फेरी पदमा फर्किने प्रावधान विधानमै छैन ।'