सुपारी तस्करीमा मिलेमतोको आरोपमा सईसहित १२ प्रहरी कारबाहीमा

बारामा सुपारी तस्करीमा मिलेमतोको आरोपमा सईसहित १२ प्रहरी कारबाहीमा परेका छन् । कारवाही गरिएकाहरुमा अञ्चल प्रहरीका घुमुवा सई राजेश यादव, सीमावर्ती मटिअर्वा छोटी नाकास्थित प्रहरी चौकीका इन्चार्ज असई रञ्जित दास, घुमुवा प्रहरी हवल्दार नागेन्द्र बैठा, जवान दिनेश पासवान, प्रमोद राउत अहिर, अशोककुमार प्रसाद, हवल्दार जितेन्द्र यादव र रामसेवक दास छन् । त्यस्तै कारवाहीमा परेकाहरुमा जवान हिम्मतलाल दास, राजेश्वर राउत अहिर, रामबालक महरा, सन्तोषकुमार यादव र रामचन्द्र छन् । तर, क्षेत्रीय प्रहरी स्रोतले बाराका एसपी समेत सुपारी प्रकरणमा मुछिएकाले कारवाहीको दायरामा ल्याइने भनिएपनि ती एसपीको नाम उल्लेख छैन ।  सुपारी साहू मटिअर्वा ९ का बृजकिशोर साहविरुद्ध प्रहरीमाथि ढुंगामुढा गर्न लगाएको आरोपमा सार्वजनिक मुद्दा दायर गरिएकोमा उनी फरार छन् । साहले सुपारी बैध भएको प्रमाण हुँदाहुँदै अरुको बहकाउमा प्रहरीले रिसइबी साँध्न सुपारी नियन्त्रणमा लिएर पथलैया राजश्व अनुशन्धान कार्यालयमा बुझाएको आरोप लगाएका छन् । यसैबीच मटिअर्वामा पुरुराज रिमालको नेतृत्वमा नयाँ टोली खटाइएको छ । 

Kantipur ko page 8 ma 28 Baishak 2073 ma prakashit News